"Башаламандыкка алып келеби?". Башкы прокуратура жер мыйзамындагы 27-пункт боюнча үн катты

Башкы прокуратура жер мыйзамындагы 27-пункт боюнча официалдуу кайрылуулар келсе кароого даяр. Бул тууралуу Башкы прокурордун орун басары Үмүткан Конкубаева Жогорку Кеңештин жыйынында билдирди.

Конкубаевага 27-пункт тууралуу Эльвира Сурабалдиева суроо салып, анын жеке көз карашын сурады.

"Президент 27-пунктту жокко чыгарды. Ушул боюнча көз карашыңыз кандай. Сиздин оюңузча бул мындан дагы чоң башаламандыкка алып келеби же ошону менен биз 100 миңдеген адамды легализация кылып, токтото алабызбы?", - деп суроо берди Эльвира Сурабалдиева.

"27-пункттун канчалык деңгээлде негиздүү же негизсиз экендиги тууралуу бизге официалдуу кайрылсаңыздар жообубузду беребиз", - деди Башкы прокурордун орун басары Үмүткан Конкубаева.

Автор: Азат Бейшенбеков