"Азиздин орду аябай билинди". "Дем" театры акыркы концертин берди (видео)

Ушул күндөрү Бишкекте белгилүү "Дем" театры өзүнүн 20 жылдык отчёттук концертин берүүдө.

Концертке эл толо келип, театр адамдарын сүрөп, шаңга бөлөнүп отурушту. "Дем" театры өзүнүн концертин акыркы 3 жылдан бери бере элек болчу.

Өз кезегинде театр актёру Камчы Сарыбаев маркум актёрлор Марат Козукеев менен Азиз Мурадиллаевдин орду жок экендиги аябай билингенин кошумчалады.

"Алар болсо бул концерт үч күн эмес, 5 күн аншлаг менен өтмөк. Анткени экөөнүн тең орду бар болчу. Депутат, жанакындай ролдордун бардыгын Азиз катыра аткарчу. Орду жок экени аябай эле билинди. Баягы күнү номер издеп жатканда "Азиз ушул жерден ушинте калмак" деп аябай эстеп жаттык. Орду жок экени аябай эле билинди", - деди Камчы Сарыбаев мукактана.

"Дем" театрынын отчёттук концертинен репортажды толугу менен видеодон көрүңүз.