"Көпчүлүк аймактарда жаан жаайт". 13-мартка карата аба ырайы

13-мартта өлкөнүн көпчүлүк аймагында жаан, тоолуу райондордо кар жаайт. Бул тууралуу Кыргызгидрометтин маалыматында айтылат.

Ага ылайык, тоо этектериндеги райондордо туруксуз аба ырайына жана күтүлүп жаткан нөшөрлүү жаан-чачынга байланыштуу ылдый жана төмөн жерлерди суу каптап, дарыялардагы суунун деңгээли көтөрүлүшү мүмкүн.

Абанын температурасы:

Чүй өрөөнүндө +6…+11, күндүз +11…+16,

Талас жергесинде түнкүсүн +1…+6, күндүз +11…+16,

Баткен, Ош, Жалал-Абад облустарында түнкүсүн +7…+12, күндүз +15…+20,

Ысык-Көлдө түнкүсүн +1…+6, күндүз +8…+13,

Нарын дубанында түнкүсүн -1…-6, күндүз -1…+4,

Бишкекте түнкүсүн +6…+8, күндүз +11…+16 градус болот.

Автор: Бек Оморбеков
Фото: Бек Оморбеков