Улустун улуу күнү. Жер-жерлерде сүмөлөк кайнатылып, Нооруз майрамы белгиленүүдө (видео)

Өлкөнүн булуң-бурчунда сүмөлөк кайнатылып, Нооруз майрамы белгиленүүдө.

Бишкек шаарындагы №4 Кесиптик лицей жакшы саамалык менен Улустун улуу күнүн тосуп жатышат.

Аталган билим берүү мекемеси 1954- жылы курулуш багытында кесиптик-техникалык окуу жай болуп түптөлгөн.

"Быйылкы жылы окуу жайдын тарыхында биринчи жолу Сүмөлөк бышырылып отурат. Сүмөлөктү лицейдин жалпы жамааты колдоп, таң атканча жакшы маанай менен, жакшы ой-тилек, ыр-күлкү менен аралаштырдык", - дешти лицейден.

Умай эненин жана Баба дыйкандын батасы менен башталган музыкалык программа этно фуршет менен жыйынтыкталды.