Ырчы Малика Дина Баку шаарында эл аралык сыйлыкка ээ болду

Ырчы Малика Дина Азербайжандын борбору Баку шаарында өткөн "Global Repuation Awards" эл аралык сыйлык тапшыруу аземинде "The celebrity singer of the Asia" номинациясын алды. Бул тууралуу ырчы айым Instagram баракчасы аркылуу күйөрмандарына сүйүнчүлөдү.

"Бакуда 25 өлкөнүн эң мыктыларынын башын бириктирген сыйлык тапшыруу аземи болуп өттү. Мен "The celebrity singer of the Asia" номинациясын алдым. Мен үчүн бул чоң сыймык. Эл аралык деңгээлде сени мыкты деп табышса абдан кубанат экенсиң", - дейт ырчы.

Эскерте кетсек, "Global Repuation Awards" - бул бизнес дүйнөсүндөгү глобалдык кызматташтык идеяларын бириктирген жалгыз долбоор. Негизги максаты — бул тармакта жогорку натыйжалары менен айырмаланган адамдардын коомун тааныштыруу жана алардын иш-аракетин баалоо.

Автор: Жаңыл Ниязбекова