"Батир, айфон, дайсон". "Чек талап кылып, байге утуп ал!" лотереясынын байге фонду жарыяланды

Салык кызматынын "Чек талап кылып, байге утуп ал!" лотереясынын байге фонду көбөйтүлүп, анын тизмеси жарыяланды. Бул тууралуу аталган мекемеден билдирди.

Экинчи турда байгелер эки этапта - 1-июлда жана 30-декабрда ойнотулат. Байге фонду төмөнкүлөрдү камтыйт:

Xiaomi 11T смартфону – 1000;
iPhone 14 — 1000;
ноутбук — 300;
"Дайсон" стайлери — 40;
эки адамга Дубайга жолдомо — 6;
электромобиль — 20;
батир — 10.

Салык кызматы жарандарга товарларды же кызматтарды сатып алууда кассалык чекти талап кылууну сунуштайт, анткени алардын ар бири катышуучунун жеңишке жетүү мүмкүнчүлүгүн жогорулатат.

"Салык чек" тиркемесине чектерди 23-марттан тарта каттата баштасаңыз болот.

Автор: Максуда Кудайбердиева