Айгүл Жапарова соцтармак колдонуучуларына акчалай жардам убада кылып жатабы? Бул фейк

Социалдык тармактарда биринчи айым Айгүл Жапарованын атынан фейк баракчалар түзүлүүдө. Бул тууралуу президенттин басма сөз кызматынын жетекчиси Дайырбек Орунбеков билдирди.

"Урматтуу интернет колдонуучулары, сиздерге төмөндөгү маалымат жалган экенин маалымдайбыз. Маал-маалы менен биринчи айым Айгүл Жапарованын атынан жасалма баракчаларды ачып, чындыкка коошпогон маалыматтарды тараткандар бар.

Бул баракча Айгүл Жапаровага таандык эмес. Ошондуктан мындагы маалыматка ишенип, алданып калбоого чакырабыз", - деп билдирди Орунбеков.

Автор: Азат Бейшенбеков