Назик кыздан баатыр айымга чейин... Ырчы Айгерим Расул кызынын өзгөчө образдарынын топтому (фото)

Кыргыз эстрада ырчысы Айгерим Расул кызы бири-бирине окшобогон образдары менен күйөрмандарын суктандырып келет. Ырчы айым бирде назик, бирде баатыр кыздын, айрым учурда суу перинин образын жаратып келүүдө. Бул да болсо ырчынын чыгармачылыгына гана эмес, ырына жарашыктуу образдарын ийне-жибине чейин иштеп чыгарынан кабар берет. Дегеле "Айгерим Расул кызы дизайнерлер менен иштешеби же бардык образдарын өзү ойлоп табабы?" деген суроого жооп алуу үчүн ырчыга байланышка чыктык.

"Негизи сүрөттү жакшы тарткандыктан ар бир образдын эскизин чийип, өңү кандай болушу керек, кандай кездемеден тигилиши керек баарын өзүм ойлоп табам. Кээде кездемесин дагы өзүм тандайм. Айрыкча, ачык түстөрдү көргөндө эргүү келет. Менде идея абдан көп. Бир учурда 2-3 жумушту деле кыла берем", - дейт ырчы айым.