Ошто мыйзамсыз курулуш иштерин жүргүзүп жаткан компанияга кылмыш иши козголду

Ош шаарында архитектуралык уруксат иш кагаздары жок курулуш иштерин жүргүзүп жаткан курулуш компаниясына кылмыш иши козголду. Бул тууралуу бүгүн, 30-мартта Башкы прокуратурадан билдиришти.

Маалыматка ылайык, Ош шаардык прокуратурасы тарабынан жүргүзүлгөн текшерүүдө калаадагы Тилеке-Баатыр көчөсүндө “А-П” ЖЧКсы көп кабаттуу турак үйдүн курулушуна уруксат берүүчү архитектуралык иш кагаздары жок, өзүм билемдик менен курулуш иштерин жүргүзүп жаткандыгы аныкталган.

Аталган факты боюнча шаардык прокуратура тарабынан Кылмыш-жаза кодексинин 214-беренеси (Өзүм билемдик) менен кылмыш иши козголуп, тергөө амалдары жүргүзүлүүдө.

Автор: Бек Оморбеков
Фото: Башкы прокуратуранын маалымат кызматы