Кадамжайда уурулукка шектелип, издөөдө жүргөн жаран кармалды

Кадамжайда уурулукка шектелип, издөөдө жүргөн жаран кармалды. Бул тууралуу Баткен ОИИБинен билдиришти.

Маалыматка ылайык, Кадамжай районунун А.Масалиев айыл аймагында 2022-жылдын июль айларында аккумуляторлор жоголуп, беш уурулук фактысы катталган. Бул факты боюнча Кыргыз Республикасынын Кылмыш-жаза кодексинин 205-беренеси (Уурулук) менен кылмыш иши козголуп, шектүү жаранды издөө иштери башталган.

Үстүбүздөгү жылдын 4-апрелинде жогорудагы кылмышка шектелип мурда бир нече жолу соттолгон А.Масалиев айыл аймагынын 45 жаштагы С.А. аттуу тургуну кармалып, тергөө кызматына камсыздалды.

Учурда тергөө иштери жүрүп жатат.

Автор: Жаңыл Ниязбекова