Кадамжай ооруканасында уурулук кылып жүргөн жаран Оштон кармалды

Кадамжай ооруканасында уурулук кылып жүргөн жаран Ош шаарынан кармалды. Бул тууралуу SUPER.KG порталына Баткен облустук милициясынан билдиришти.

Маалымдалгандай, Кадамжай аймактык ооруканасынын эки кызматкери 5-апрель күнү иш бөлмөлөрүнөн ичинде акча, банк карталары, жарандык паспорттору менен капчыктары уурдалганын билдиришип, милицияга арыз жазышкан.

Бул арыздар Кадамжай райондук милициясына катталып, сотко чейинки өндүрүш иши башталган.

Иликтөө иш-чараларынын жүрүшүндө 7-апрель күнү Ош шаарынан мурда сот жообуна тартылган 65 жаштагы тургуну У.Х. кармалып, тергөө кызматына өткөрүлүп берилди.

Азыркы күндө уурдалган нерселер өз ээлерине тапшырылып, тергөө иштери жүрүп жатат.

Автор: Максуда Кудайбердиева