"Унаалардын терезелерин талкалап...". Түндө Кызыл-Кыяда 70тей бала ызы-чуу салган, 14 өспүрүм кармалды

Кызыл-Кыя шаарында белгисиз балдардын тобу ызы-чуу салган. Окуя 13-апрелге караган түнү саат 01:35те болгонун SUPER.KG порталына Баткен облустук милициясынын басма сөз кызматынан билдиришти.

Маалыматта окуя тууралуу билдирүү түшөр замат жерине Кызыл-Кыя ШИИБинин башчысы жана ыкчам тергөө тобу барганы айтылат. Анда 60-70тей бала колдоруна таяк кармап, таштар менен жолдун жээгинде токтоп турган автоунаалардын терезелерин талкалап жаткандыгына күбө болушкан.

Милиция кызматкерлери аларды токтотуу максатында сүйлөшүүлөрдү жүргүзүүгө аракет кылышкан, бирок белгисиз топ аларга карата таш ыргыткан. Натыйжада милиция кызматкерлерине жана алардын кызматтык унааларына таштар тийип, жабыркаган.

Ыкчам топ жаш балдардын кылмыштуу жоругун токтотуу максатында табелдик куралдары менен асманга карата бир нече жолу ок чыгарышкан. Ошол эле замат Кызыл-Кыя ШИИБинин жетекчилиги тарабынан “Айгай” көтөрүлүп, милиция кызматкерлери шаарды курчоого алып, атайын иш-чараларды жүргүзгөн. Бир нече жолу атылган октон кийин гана ызы-чуу салып жүргөн балдар туш тарапка качып кетишкен.

Бир түн ичинде көчөдө жүргөн 14 өспүрүм кармалып, азыркы учурда бул ишке катыштыгы бар же жоктугу такталууда.

Териштирүү иштери уланып жатат.

Автор: Максуда Кудайбердиева

15:10 13-04-2023

Жазылуу

РУБРИКАДАГЫ СОҢКУ КАБАРЛАР

17:27 2025-05-19 | Бизнес-Инфо

Huawei Берлинде колго тагылуучу инновациялык гаджеттердин жаңы доору келгенин жар салып, бренддин тагынып жүрүүчү түзүлүштөрүнүн жаңы линейкасын сунуштады 82 0

17:24 2025-05-19 | Саясат

"Чай ичип эле кетишет". Депутат Саламаттык сактоо министрлигинин кызматкерлерин сынга алды (видео) 86 0

17:18 2025-05-19 | Бизнес-Инфо

MEGA жана MegaLab "IT-Мама" социалдык долбоорун аякташты – жаңы горизонтторго кадам! 50 0

16:56 2025-05-19 | Коом жана турмуш

"Сөгүшкө рахмат". Министр президентке ыраазычылык айтты 524 0

16:50 2025-05-19 | Коом жана турмуш

Эмгек министрлиги баатыр энелерге берилчү жөлөк пулдун суммасын маалымдады 383 0

16:26 2025-05-19 | Кылмыштар, кырсыктар

Чаек айыл өкмөтү: Иштебегендер үчүн да айлык берилгени аныкталды 317 0

Архив

Комментарийлер (1)

Таксист бала

2023-04-13 17:09:00

'Милиция кызматкерлери суйлошуулорду жургузууго аракет кылган' - Муну кандай тушунсо болот?! 60-70 бала машинелерди талкалап жатса, аяп отуруштун кереги жок! Срочно боевая тревога которуп, чекеден кармаш керек. Мурдун тарта албаган 70 баланы эптей албаган коопсуздук кызматкерлери эртен 60-70 терр**ст басып кирсе кантип элди коргой алат?!

Комментарий калтыруу үчүн өз ысымыңыз менен кириңиз же каттоодон өтүңүз.