Бүгүн Оштун айрым жерлеринде электр жарыгы берилбейт

Бүгүн, 16-майда Ош облусунун айрым жерлеринде электр жарыгы убактылуу өчүрүлөт. Бул туурасында "Ош электр тармактар" ишканасынан кабарлашты.

Мындай чектөө күз-кыш мезгилине энергообъектилерди даярдоо иштерине байланыштуу экени айтылды.

Ага ылайык, саат 09.00дөн 17.00гө чейин төмөнкү аймактарда электр энергиясы үзгүлтүккө учурайт:

Көлдүк, Салам-Алик, Кызыл-Тоо, Ак-Жар, Алтын-Булак айыл өкмөттөрүндө;

Ош шаарынын Ак-Тилек кичи шаарчасында, Масалиев, Шакиров, Шамшиев, Увам, Тажик, Депутатская, Жалал-Абад, Жумабаев, Нурматов, Зеленая, Мадумаров, Абай, Раззаков, Салиева, Касымбеков, Курманжан-Датка, Моминова көчөлөрүндө, Озгур, Төлөйкөн, Жапалак айылдарында.

Мекеме убактылуу жаралган ыңгайсыздыктар үчүн кечирим сурайт.

Автор: Айжанар Рыспек кызы
Фото: Бек Оморбеков