Мартта Базар-Коргондо дайынсыз жоголгон өспүрүмдү бүгүн кайра издей башташты

Базар-Коргон районуна караштуу Кызыл-Үңкүр айыл аймагынын 14 жаштагы М.Ф. аттуу өспүрүмдү издөө иштери бүгүн, 16-май күнү кайрадан башталды. Бул тууралуу Өзгөчө кырдаалдар министрлиги билдирди.

Билдирүүгө ылайык, дайынсыз болгон мектеп окуучунун жакындары кайрадан издөө иштерин жандантып, Кара-Үңкүр дарыясынын жээгин карап берүүсүн суранып райондук Өзгөчө кырдаалдар бөлүмүнө кайрылышкан.

Жерине Базар-Коргон райдук өзгөчө кырдаалдар бөлүмүнөн 5 куткаруучу тартылып, издөө жумуштарын алып барышууда.

Белгилей кетсек, аталган мектеп окуучусу 31-мартта дайынсыз болуп, райондук өзгөчө кырдаалдар бөлүмдөрүнүн куткаруучулары 14-апрелге чейин издешкен.

Натыйжа болбогондуктан, туугандарынын өтүнүчү менен издөө убактылуу токтотулган.

Автор: Азат Бейшенбеков