Чүйдө айылдашын сабап салган тургун кармалды

Москва районунда айылдашынын ден соолугуна оор залал келтирген шектүү жаран кармалды. Бул тууралуу Чүй ОИИББинин басма сөз кызматынан билдиришти.

Маалыматка ылайык, 14-майда Москва райондук аймактык ооруканасынын жандандыруу бөлүмүнө оор абалда Мураке айылынын тургуну 1997-жылы туулган А.К. жеткирилип, окуя милицияга кабарланган.

Аталган факты боюнча Кылмыш-жаза кодексинин 130-беренеси (ден соолукка оор залал келтирүү) менен кылмыш иши козголгон.

Жүргүзүлгөн иш-аракеттердин натыйжасында кылмышка шектелип Мураке айылынын тургуну 1990-жылы туулган Р.Т. кармалып, убактылуу кармоочу жайга киргизилген.

Тергөө учурунда айылдаштардын 14-майда айыл четинде ичимдик ичип, мас абалында урушуп шектүү Р.Т. жабырлануучуну бир нече жолу башка чаап, катуу сабап салган.

Учурда кылмыш иши боюнча тергөө уланып жатат.

Автор: Жаңыл Ниязбекова