Ошто дүйнөлүк эпостордун эл аралык фестивалы расмий ачылат

Бүгүн, 17-майда Ош шаарында дүйнөлүк эпостордун эл аралык 7-фестивалы расмий ачылат. Бул тууралуу Маданият министрлигинен билдиришти.

Маалыматка ылайык, фестиваль Ош шаарынын борбордук аянтында өтөт.

Иш-чаранын программасы:

18:00 – Тынчтык боз үйүн тигүү "Түндүк көтөрүү" жөрөлгөсү;

18:30 - "Тушоо кесүү" салты;

18:40 - 20:00 – Рысбай Абдыкадыров атындагы Ош облустук филармониясынын Казакстан "Туран" фольклордук ансамблинин, элдик бий ансамблинин жана маданият, искусство өнөрпоздорунун концерти;

20:00 - VII Дүйнөлүк эпостордун эл аралык фестивалынын салтанаттуу ачылышы.

Белгилей кетсек, иш-чаранын жүрүшү "ЭлТР" мамлекеттик телерадиокомпаниясында түз эфирде көрсөтүлөт.