Алайда жер көчкү бир күндө бир метр жылды. Адамдар көчүрүлдү

Алай районунда эски жер көчкүсү активдешип, жылып жаткандыгына байланыштуу адамдар коопсуз жайга көчүрүлдү. Бул тууралуу Өзгөчө кырдаалдар министрлигинен билдиришти.

Билдирүүгө ылайык, кооптуу болгон бул аймакта жалпы 7 турак үй бар, анын ичинен 5 үйдүн ээсине ӨКМ тарабынан мамлекеттик жардам көрсөтүлүп, коопсуз жайга көчүрүлгөн. Ал эми экөөнө түшүндүрүү иш-чаралары жүргүзүлүп, туугандарыныкына, коопсуз жайга көчүрүлдү.

Жер көчкүнүн болжолдуу көлөмү 334 миң 500 куб метр. Бир күн ичинде жер көчкү болжолдуу 1 метр аралыкка жылган.

Жер көчкү Алай районунун Будалык айыл аймагынын башчысынын көзөмөлүнө алынды.

Автор: Азат Бейшенбеков