Москванын бир катар аймактарына карантин киргизилди

Москванын мэри Сергей Собянин куш тумоосуна (птичий грипп) байланыштуу борбордун бир катар райондоруна карантин киргизди. Мындай маалымат Москва мэринин расмий сайтына жарыяланды.

Карантин Орехово-Борисово жана Братево аймактарында жапайы канаттуулардын жугуштуу ооруларына байланыштуу киргизилген. Документтерде вирус тараган борборлор катары Борисовский көлмөсүнүн батыш бөлүгү жана Бесединское шоссесинин жанындагы 15, 17 жана 13-үйлөрдүн ортосундагы аймак аталган.

Карантин мезгилинде бир катар иш-чараларга, оорулуу канаттууларды дарылоого, оорунун очогу болгон аймакка барууга, канаттууларды, жумурткаларды жана башкаларды алып келүүгө жана алып чыгууга тыюу салынат.

Автор: Азат Бейшенбеков