Таластын мурдагы губернатору кармалды

Талас районунун жетектөөчү түзүмдүк бөлүмдөрүнүн кызмат адамдарынын мыйзамсыз иштери аныкталды. Бул тууралуу УКМКнын басма сөз кызматы билдирет.

Маалыматка ылайык, 2022-жылдын апрель айында Талас облусун өнүктүрүү фондунун алдындагы Байкоочу кеңеш тарабынан 2021-жылы 14-октябрдагы №220 "Региондорду өнүктүрүү фонддору жөнүндө типтүү жобонун" долбоордук-сметалык документтери жок талаптарын бузуу менен жана Талас шаарында тигүү фабрикасын куруунун максатка ылайыктуулугу боюнча корутундуларды чыгарып, жалпы суммасы 82 миллион сомдук долбоор жактырылгандыгы аныкталган.

2022-жылдын октябрь айында Талас облусунун Капиталдык курулуш башкармалыгы тарабынан өткөрүлгөн мамлекеттик тендерлердин жыйынтыгы боюнча текстиль фабрикасын курууга "Ника KG" ЖЧКсы жеңүүчү деп табылган. Ошол эле жылы 17-октябрда №44 келишимдин негизинде аткарылган иштердин бардык көлөмү иш жүзүндө кабыл алынгандан кийин 100% акча каражаты которулушу керек болгон. Бирок Талас облусун өнүктүрүү фондунун директору Э.Т. көрсөтмөсү боюнча президенттин Талас облусу боюнча мурдагы ыйгарым укуктуу өкүлү Б.Н. Талас облусунун капиталдык курулуш башкармалыгынын катынын негизинде 25 миллион сом которгон, анын ичинен биринчиси кошумча кайра текшерүүнү талап кылган маалыматтарга ылайык, "откат" иретинде акча каржатын алышкан.

"Буга байланыштуу каражаттарды мыйзамсыз пайдалануу фактыларын аныктоо үчүн УКМК Мамлекеттик архитектура агенттигинин квалификациялуу адистери, Министрлер Кабинетине караштуу курулуш жана турак-жай-коммуналдык чарбасы долбоорлоо-сметалык документтерге салыштырма талдоо жүргүзүлүп, анын жыйынтыгы боюнча курулуштун баштапкы этабында иш жүзүндө аткарылган иштердин долбоордон 7 миллион сомдон ашык (7 038 265 сом) четтөөлөрү аныкталган", - деп жазылат мекеменин маалыматында.

Алынган фактылардын негизинде Талас шаарындагы тигүү фабрикасын куруу боюнча атайылап пайдасыз келишим түзүү жана "Ника KG" курулуш компаниясынын эсебине 25 миллион сом мыйзамсыз которулган фактысы боюнча, Кылмыш-жаза кодексинин 337-беренесинин 3-бөлүгү менен "Кызмат абалынан кыянаттык менен пайдалануу" менен кылмыш иши козголгон.

2023-жылдын 18-майында тергелип жаткан кылмыш ишинин алкагында төмөнкү жарандар кармалган:

- Кыргыз Республикасынын президентинин Талас облусундагы мурдагы ыйгарым укуктуу өкүлү Н.Б.;
- Талас шаарынын мурдагы мэри Ш.А.;
- Талас облусун өнүктүрүү фондунун директору Т.Э.;
- Талас райондук курулуш жана инженердик инфраструктура башкармалыгынын мурдагы башчысы С.С.;
- "Ника KG" ЖЧКнын өкүлү, А.у.А.

Бул адамдар Кылмыш-процессуалдык кодексине ылайык, Талас облусунун ИИБнын УККсына киргизилди.

Учурда тергөө иштери жүрүп жатат.