Өзбекстанда өткөн эл аралык сынакта жаш таланттар байгелүү орунга ээ болушту

Кыргыздын жаш таланттары Өзбекстанда өткөн эл аралык сынакта байгелүү орундарга ээ болду. Бул тууралуу SUPER.KG порталына Кыргыз Республикасынын эмгек сиңирген артисти Гүлнара Тойгонбаева билдирди.

"Өзбекстандын борбору Ташкент шаарында 10-14 май аралыгында өткөн "Роза востока" эл аралык сынагына биздин таланттуу, жаш ырчыларыбыз катышып, мактанаарлык жыйынтык менен кайтып келдик", - дейт ал.

- 1-орун - Нурдөөлөт Деркембаев (Жаштар категориясы);
- 1-орун - Раяна Алибаева (Улуу балдар категориясы);
- 2-орун - Рамиль Бурканов (Жаштар категориясы);
- 3-орун - "KGтай" тобу (Орто жаштагы балдар категориясы).

Белгилей кетсек, "Роза востока" эл аралык сынагына Кыргызстан, Казакстан, Тажикстан жана Өзбекстан катышкан.