Америкалык ырчы Тина Тёрнер каза болду

Америкалык жана швейцариялык ырчы Тина Тёрнер 83 жашында каза болду. Бул тууралуу "Sky News" телеканалы аткаруучунун басма сөз катчысына шилтеме берүү менен билдирет.

"Рок-н-роллдун ханышасы Тина Тёрнер Швейцариянын Кюснахте шаарындагы үйүндө узакка созулган оорудан улам каза болду. Аны менен бирген дүйнө музыка легендасын жоготту", - деп жазылат маалыматта.

Маркум ырчы акыркы жылдары ден соолугунда көйгөйлөр жаралган. Ал инсульттан аман калып, залалдуу шишик дарты менен күрөшүп келген.

Тина Тёрнер 1939-жылы 26-ноябрда АКШнын чакан Натбуш аттуу шаарында төрөлгөн. "Грэмми" сыйлыгынын 8 жолку ээси Тина өзүнүн сахнада алып жүрүүсү, темпераменти менен "рок-н-роллдун ханышасы" аталган. Американын белгилүү "Роллинг Стоун" журналы Тина Тёрнерди азыркы замандын эң мыкты ырчыларынын бири деп атаган.