Белгиленгендей, сот айыпталуучуга коюлган айыптын баары далилденди деп чечкен.
43 жаштагы жергиликтүү тургун 19 жаштагы кызын жети жашынан бери зордуктап жүргөн деп шек саналып кармалганын райондук милиция быйыл 28-мартта билдирген.
Н. аттуу жаранга тергөө органдары тарабынан өзүнүн кызын 10 жылдан ашык убакыттан бери системалуу түрдө зордуктап жана башка сексуалдык мүнөздөгү зомбулук аракеттерди жасаган деп айыпталган. Ага жалпысынан 42 кылмыш эпизоду менен айып угузулган.
"Биринчи эпизод боюнча Кылмыш-жаза кодексинин 155-беренесинин 4-бөлүгү менен өмүр бою, калган бардык беренелер боюнча 15 жылга, акыркы эпизоду боюнча 5 жылга эркиндигинен ажыратылып, кылмыштардын жыйындысы боюнча белгиленген жазаларды сиңирүү жолу менен өмүр бою эркинен ажыратылды", - деп айтылат билдирүүдө.
Соттун өкүмүндө көрсөтүлгөндөй, сот далилдер катары жабырлануучунун, күбөлөрдүн көрсөтмөлөрүн, аудио-видео жазууларды жана соттук-медициналык экспертизанын корутундуларын кабыл алды.
Учурда соттун өкүмү мыйзамдуу күчүнө кире элек, ага каршы тарап даттанууга жана жогорку инстанцияга чыгарылган күндөн тартып 30 күндүн ичинде даттанууга болот.
