Бишкекте 1-июндан тарта муздак суунун тарифи жогорулайт

Бишкекте 1-июндан тарта муздак сууга жана канализацияга тарифтер көтөрүлөт. Бул тууралуу токтом долбоору бүгүн, 30-майда шаардык кеңештин жыйынында кабыл алынды.

Ага ылайык, добуш берүүгө Бишкек шаардык кеңешинин 31 депутаты катышты.

Таза сууга тарифтер төмөндөгүдөй болот:

- калк үчүн - куб метрине 10,45 сом (азыр 8,1 сом);

- бюджеттик уюмдар үчүн - 12,95 сом (азыр 9,1 сом);

- башка керектөөчүлөр үчүн - 18,5 сом (азыр 13 сом).

Канализацияга тариф:

- калк үчүн - 3,45 сом (азыр 2,3 сом);

- бюджеттик уюмдар үчүн - 4,5 сом (азыр 3 сом);

- башка керектөөчүлөр үчүн - 9 сом (азыр 6 сом).

Ошондой эле көп кабаттуу үйлөрдүн жашоочулары үчүн жалпы пайдалануудагы суу түтүктөрүн жана канализация тармактарын тейлөөгө жылына 1 чарчы метрге 15,1 сом (азыр 10,2 сом).

Эске салсак, ушул жылдын 3-февралында аталган токтом долбоору коомдук талкууга коюлган.

Автор: Гүлкайыр Бабаева
Фото: Интернеттен алынды