Жаза аткаруу кызматы Мелис Аспековдун эркиндикке чыгышы боюнча үн катты

Активист Мелис Аспеков камактан бошотулду. Бул тууралуу маалыматты Жаза аткаруу мамлекеттик кызматынан тастыктады.

Маалыматта айтылгандай, президент Садыр Жапаров 23-майда "Соттолгондорго ырайым кылуу жөнүндө" жарлыгына кол койгон. Алардын арасында Мелис Аспеков да болгон. Анын жаза өтөө мөөнөтү 3 жыл 8 айга кыскартылып, абактан бошотулду.

Эске салсак, Мелис Аспековго 2021-жылдын январында "Кыргыз темир жолу" ишканасынын жетекчилигинен 250 миң доллар талап кылган деген айып тагылган. Ал 7 жылга эркинен ажыратылган.

Автор: Гүлкайыр Бабаева
Фото: Интернеттен алынды