Өлкөдө бир суткада 19 өрт кырсыгы катталды

Өлкө аймагында бир суткада 19 өрт кырсыгы катталды. Бул тууралуу Өзгөчө кырдаалдар министрлигинен билдиришти.

"Бишкек шаарында 2, Ош шаарында 1, Ысык-Көл облусунда 2, Чүй облусунда 4, Ош облусунда 4, Баткен облусунда 3, Жалал-Абад 2, Талас облусунда 1 өрт кырсыгы катталган", - деп айтылат билдирүүдө.

- Чүй облусунун Аламүдүн районундагы Васильевка айылында короодо жыйылган 2 миң түк чөп күйгөн.

- Ош облусунун Ноокат районундагы Салгаман айылында жалпы аянты 126 чарчы метр болгон турак үй ичиндеги эмеректери менен кошо толук күйгөн.

- Талас облусунун Манас районундагы Арал айылынын түштүк-батыш тарабында тоо этегинде 19 гектар куураган чөп күйгөн.

Өрттүн себептери такталууда.

Автор: Максуда Кудайбердиева
Фото: Интернеттен алынды