Эртең "Эл үмүтү" эл аралык стипендиясына талапкерлерди кабыл алуу башталат

Президенттин “Эл үмүтү” эл аралык стипендиясына катталуу үчүн атайын сайт иштей баштады. Бул тууралуу Билим берүү жана илим министрлигинен билдиришти.

Маалыматка караганда, талапкерлер документтерин 1-июндан 30-июнга чейин онлайн форматта тапшыруусу шарт. Анда каттоо формасын толтурушуп, талап кылынган документтерди жүктөөсү керек.

Ошондой эле документтердин оригиналын министрликтин 3-кабатында жайгашкан 317-кабинетине тапшыруусу зарыл.

Белгилей кетсек, “Эл үмүтү” стипендиясы жыл сайын Республикалык комиссия тарабынан конкурстук тандоодон өткөн таланттуу жаштарга ыйгарылат.

Стипендия таланттуу жаштарга QS World University Rankings, Times Higher Education топ-100 дүйнөлүк рейтингине кирген чет өлкөлүк жогорку окуу жайларында магистр жана PhD доктору деңгээлинде билим алууга мүмкүнчүлүк берет.. Ал эми толук маалымат шилтемеде камтылды.

Стипендияга шилтеме аркылуу катталууга болот.

Автор: Ширин Марат кызы
Фото: https://www.super.kg/upload/janylyk/2023/05/1323478663.jpg