Жалал-Абад шаардык кеңешине үч жаңы депутат келди

Жалал-Абад шаардык кеңешине үч жаңы депутат келди. Бул тууралуу калаа мэриясынын маалымат кызматынан билдиришти.

Кабарлангандай, Жалал-Абад шаардык кеңешинин кезексиз XXVIII сессиясынын алдында "Ата-Журт Кыргызстан" саясий партиясынын тизмесиндеги Каныбек Мамановго, Эркин Исматуллаевге жана Мадина Эркуловага мандат тапшырылды.

Эскерте кетсек, "Ата-Журт Кыргызстан" фракциясынын депутаты Заттарбек Боронбаев Жалал-Абад шаардык “Жол” башкармалыгынын жетекчиси кызматына дайындалгандыгына байланыштуу мандатын тапшырган. Ал эми аталган фракциянын депутаттары Наргиза Караева жана Бабаравшан Каримов өз арызы менен мандатын тапшырган болчу.

Автор: Максуда Кудайбердиева