Июнь окуясында милициянын подполковнигин мыкаачылык менен өлтүрүүгө шектелгендер кармалды (видео)

2010-жылдагы июнь окуясында ИИМдин кызматкерин өлтүрүүгө шектелип эки жаран кармалды. Бул тууралуу УКМК билдирет.

Кабарлангандай, ушул жылдын 27-майында атайын кызмат тарабынан Сузак районунун аймагында Жалал-Абад облусунун Сузак районунун тургундары 1984-жылы туулган И.Ш. жана 1977-жылы туулган Ж.А. аттуу Кыргыз жарандары кармалды.

Алар 2010-жылдын июнь айында Жалал-Абад облусунда болгон массалык баш аламандыкка активдүү катышканы, ошондой эле милициянын подполковнигин Сузак районундагы Сузак айылында өзгөчө мыкаачылык менен өлтүрүүгө катышкандыгы аныкталды.

Бирок 2010-2011-жылдары тергөө учурунда алардын өздүгү аныкталбай калган.

Кайра козголгон кылмыш ишинин алкагында кармалгандар тергөө абагына киргизилди.

Учурда УКМК тарабынан көптөгөн адамдардын өлүмүнө алып келген 2010-жылдын июнь окуяларынын уюштуруучуларын жана активдүү катышуучуларын аныктоо жана жоопкерчиликке тартуу боюнча комплекстүү ыкчам-издөө иш-чаралары жүргүзүлүүдө.

Атайын кызматы 2010-жылдын июнь айында өзгөчө оор кылмыш жасаган адамдарга карата эскирүү мөөнөтү колдонулбай турганын эскертет.

Кошумчалай кетсек, 2010-жылдын июнь айында Ош жана Жалал-Абад облустарында улуттар аралык кагылышуу чыгып, 400дөн ашуун адам курман болгон.

2010-жылдагы июнь окуясында милициянын подполковнигин мыкаачылык менен өлтүрүүгө шектелгендер кармалды

Автор: Максуда Кудайбердиева
Фото: УКМК

10:11 01-06-2023

Жазылуу

РУБРИКАДАГЫ СОҢКУ КАБАРЛАР

15:34 2025-05-19 | Коом жана турмуш

Бишкектеги Аламүдүн-1 кичи районунда таза суу өчөт 36 0

14:59 2025-05-19 | Кылмыштар, кырсыктар

Бишкекте 46 чет элдик жаранды мыйзамсыз ишке орноштурган шектүүлөр кармалды 234 0

14:54 2025-05-19 | Коом жана турмуш

Бүгүндөн тарта оор жүк ташуучу унаалардын кыймылына чектөө кирди 224 0

14:39 2025-05-19 | Коом жана турмуш

Аба ырайы: Айрым аймактарда жамгыр жаайт 230 0

13:35 2025-05-19 | Коом жана турмуш

“Улуттук инвестициялык фондуна” жаңы жетекчи дайындалды 395 0

12:44 2025-05-19 | Саясат

Бишкекте бир нече өлкөнүн парламент төрагалары чөлкөмдөгү коопсуздукту талкуулашты 384 0

Архив

Комментарийлер (1)

Аkjol18

2023-06-01 10:28:00

Издеп таап, жазасын бергегиңер жакшы, эртеби кечпи жоопкерчилик болооруна ишеним артат. Бирок улут аралык мамилелер жөнүндөгү кылмыштарды жашыруун эле бүтүргөн жакшы беле деймин да.

Комментарий калтыруу үчүн өз ысымыңыз менен кириңиз же каттоодон өтүңүз.