Өлкөдө ысык суу менен жылуулуктун баасы кымбаттады

Кыргызстанда 1-июндан тарта ысык суу менен жылуулуктун баасы кымбаттады. Бул тууралуу Энергетика министрлигинин алдындагы Отун-энергетикалык комплексин жөнгө салуу департаменти билдирди.

Маалыматка караганда, профилдик департаменттин буйругу 31-майда чыккан. Ведомство өкмөттүн 2021-жылы кабыл алган токтому бар экенин эскертти. Ага ылайык, 2021-жылдан 2025-жылга чейин тарифтер жыл сайын жогорулайт. Былтыр өлкөнүн социалдык-экономикалык абалын эске алуу менен баалар жогорулаган эмес.

Тарифтер төмөнкүдөй болот:

Жылуулук (Гкал үчүн):

калк үчүн – 1 миң 248 сом (буга чейин 1 миң 134,76 сом);
бюджеттик уюмдар, башка керектөөчүлөр үчүн – 2 миң 52 сом (буга чейин 1802 сом болгон).

Ысык суу:

калк үчүн прибор менен эсептегенде 1 куб метрге –72 сом (буга чейин 64,3 сом);
керектөө нормасы боюнча (айына бир адамга) – 345 сом (309 сом болчу);
Өнөр жай объектилери, бюджеттик керектөөчүлөр жана башка керектөөчүлөр үчүн – 117 сом (буга чейин 103 сом болгон).

Эскерте кетсек, Бишкекте 1-июндан тарта ичүүчү сууга жана канализацияны колдонууга болгон төлөмдөр жогорулаган.

Тарифтер сууга төмөнкүдөй болот: