Прокуратура кызматкери өлкөгө Lexus GX унаасын мыйзамсыз алып кирүүгө аракет кылган жеринен кармалды (фото)

Кыргызстанга кымбат баалуу Lexus GX үлгүсүндөгү унааны алып кирүүгө аракет кылышкан. Бул тууралуу УКМК билдирет.

"5-июндан 6-июнга караган түнү Лейлек районунун Раззаков шаарында жасалма номер тагылган автоунаа аныкталган. Ыкчам маалыматтар боюнча, ал коңшу мамлекеттин аймагынан мыйзамсыз айдалып келген", - деп айтылат билдирүүдө.

Унааны башкарып келаткан жаран өзүн Нарын облусунун прокуратурасынын кызматкеримин деп тааныштырган. Ал Лейлек районунун А.Д. аттуу тургуну экени айтылды.

Учурда УКМК облустук прокуратура менен биргеликте тиешелүү тергөө-ыкчам иш-чараларын жүргүзүп жатат.

Автор: Максуда Кудайбердиева