Дмитрий Бивол беттешке Кыргызстандын желеги менен чыгат

Жеңил салмактагы WBA'нын чемпиону Дмитрий Бивол (21-0) Кыргызстандын атынан Артур Бетербиев менен беттешүүгө даяр. Бул тууралуу чет элдик басылмалар жазып чыгышты.

Маалыматта Дмитрий Бивол IBF, WBC жана WBO версиялары боюнча жеңил салмактагы чемпион Артур Бетербиев менен (19-0) беттешүүгө даяр экенин Бүткүл дүйнөлүк бокс кеңешинин (WBC) жетекчиси Маурисио Сулейман билдирди. Бивол Орусиянын атынан чыгып жатканда WBC титулу үчүн күрөшпөй тургандыгы тууралуу айтылды.

"Бул көйгөй эмес. Эгерде Боб Арум бул күрөштү пропагандалабаса, анда Бетербиев ким менен күрөшөт? Мен мунун эч кандай көйгөйүн көрбөй турам. Менимче, бул жөн эле саясат, анын күрөшкө эч кандай тиешеси жок. Дмитрийдин тамыры кыргыз. Ал Кыргызстанда туулган, кыргыз паспорту бар”, - деди Биволдун менеджери Вадим Корнилов.

Буга чейин Top Rank компаниясынын жетекчиси Боб Арум Биволдун орус жарандыгына байланыштуу анын Бетербиевге каршы күрөшү болбой тургандыгын билдирген.

Белгилей кетсек, Бетербиев WBC, Дүйнөлүк бокс уюмунун (WBO) жана Эл аралык бокс федерациясынын (IBF) жеңил салмактагы чемпиону. 38 жаштагы россиялык профессионалдык рингде 19 беттеш өткөрүп, анын баарын нокаут менен жеңген.

Автор: Гүлкайыр Абдиманнап кызы