Бүгүн, 14-июнда Тоң районунун Көл-Төр айыл аймагынын тургундарынын жер участогунун жеке менчик укугу жөнүндөгү 94 мамлекеттик акты (кызыл китеп) тапшырылды. Бул тууралуу президенттин Ысык-Көл облусундагы өкүлчүлүгүнөн билдиришти.
Маалымдалгандай, иш-чарага тиешелүү жетекчилер жана элеттиктер катышты.
Аталган райондун аймагында министрлер кабинетинин "Жер мунапысын жүргүзүүнүн тартиби жөнүндө жобону бекитүү тууралуу" токтомунун негизинде жер мунапысын жүргүзүү боюнча комиссия түзүлүп, иштер жүрүүдө.