Бекжан Супаналиев билим берүү министринин орун басары болуп дайындалды. Анын өмүр баяны

Билим берүү жана илим министринин орун басары болуп Бекжан Супаналиев дайындалды. Бул тууралуу министрликтен билдиришти.

Маалым болгондой, Супаналиев билим жана илим тармагындагы санариптештирүү иштерин көзөмөлдөйт. Ал буга чейин жашыл каржылоону өнүктүрүү боюнча түзүлгөн "Green Finance Centre Bishkek" компаниясынын жетекчилик кызматын аркалаган.

Супаналиев 1977-жылы 11-июлда Токмок шаарында туулган. 2000-жылы Беларусь мамлекеттик университетинин башкаруу жана социология факультетинин саясат таануу бөлүмүн аяктаган. 2014-жылы Мэйдзи университетинде мамлекеттик башкаруу боюнча магистратураны бүтүргөн.

Эмгек жолу:

2000-жылы – Бишкек шаарынын мэриясынын алдындагы Республикалык «Жаштык» жаштар борборунун директорунун орун басары.

2001-2004-жылдары - Кыргыз Республикасынын Президентинин Администрациясы, Кыргыз Республикасынын Президентинин Басма сөз кызматы, референт.

2004 - 2010-жылдары - Кыргызстандын коомчулукту өнүктүрүү жана инвестициялоо агенттигинде айылдык инвестициялык долбоордун Түндүк аймактык кеңсесинин социалдык мобилизациялоону өнүктүрүү боюнча жана жайыттарды туруктуу башкаруу боюнча пилоттук долбоордун координатору;

Бишкек жана Ош шаарларынын шаардык инфраструктурасынын долбоору боюнча оперативдүү колдонмону иштеп чыгуу боюнча консультант, киничерээк аталган долбоордун координатору;

«Айылды суу менен камсыздоо жана канализация - 2» долбоору боюнча оперативдүү колдонмону иштеп чыгуу боюнча консультант;

2011-2012-жылдары - Өкмөттүк Аппараттын региондук өнүктүрүү жана мониторинг бөлүмүнүн башчысынын орун басары;

2012-2014-жылдары- Өкмөттүк Аппараттын уюштуруу-инспектордук иштер жана жергиликтүү өз алдынча башкаруу бөлүмүнүн жергиликтүү өз алдынча башкаруу секторунун эксперти;

2014-2015-жылдары - Өкмөттүк Аппараттын Региондук өнүктүрүү, транспорт, курулуш жана коммуникациялар бөлүмүнүн эксперти;

2015-2016-жылдары Өкмөттүк Аппараттын уюштуруу-инспектордук иштер жана жергиликтүү өз алдынча башкаруу бөлүмүнүн инспектору.

2016-2017-жылдары – Өкмөттүк Аппараттын билим берүү, маданият жана спорт бөлүмүнүн башчысы.

2017-2022-жылдары - Президенттик Аппараттын социалдык өнүктүрүү, тарых жана маданият бөлүмүнүн башчысы.

2022-жылы-Бишкек шаарындагы Green Finance Center компаниясынын директору болуп дайындалган.

Автор: Ширин Марат кызы