Чүйдүн фермерлерине Чехиядан асыл тукум кунаажындар алып келинди

Чүй облусунун фермерлери үчүн Чехиядан 32 баш симментал породасындагы бодо мал алып келинди. Бул тууралуу Айыл чарба министрлигинин маалымат кызматы билдирди.

Маалыматка ылайык, бул малдын асыл тукумдук сапатын жакшыртуу жана сандан сапатка өтүү үчүн лизингдик схема боюнча ишке ашырылды.

Симментал породасындагы жаңы генетикалык баалуу малдын түрлөрүн азыктуулугун жергиликтүү шарттарга ыңгайлашуусун жакшыртат.

"Мындай кадам мал чарбасын өнүктүрүү үчүн маанилүү, анткени сапатын жогорулатуу жогорку асыл тукумдук өзгөчөлүгү бар баалуу тукумдарды бере ала турган, азыктуулугу жогору малдарды багууга мүмкүндүк берет", - деп айтылат маалыматта.

Автор: Гүлкайыр Абдиманнап кызы