Баткендин Кыштут, Суу-Башы айыл өкмөттөрүндө өзгөчө кырдаал режими алынды

Баткендин Кыштут, Суу-Башы айыл өкмөттөрүндө өзгөчө кырдаал режими алынды. Бул тууралуу Өзгөчө кырдаалдар министрлигинен билдиришти.

Аталган айыл аймактарга өзгөчө кырдаал режими кечээ, 15-июнда киргизилген болчу.

Маалыматка ылайык, 12-июнда нөшөрлөп жааган жаандан улам Баткен районунун аталган айыл өкмөттөрүнүн аймагында сел жүрүп, түзүлгөн кырдаалга байланыштуу 2 айыл өкмөттө тең өзгөчө кырдаал режими жарыяланган.

Жарандык коргонуу кызматтарына тиешелүү тапшырмалар берилип, ар бир кызмат өз тармагы боюнча иш алып баруусу милдеттендирилген.

Автор: Максуда Кудайбердиева