Таш-Көмүрдө 7 жаштагы өспүрүм дайынсыз болууда

Жалал-Абаддын Таш-Көмүр шаарында 7 жашар бала дайынсыз болууда. Бул тууралуу Өзгөчө кырдаалдар министрлигинен билдиришти.

Кабарлангандай, 15-июнда саат 10:30 чамасында "112" кызматына Новостройка айылынын 2016-жылы туулган Н.Т. аттуу бала үйүнөн чыгып кеткен бойдон дайынсыз болуп жатканы тууралуу маалымат түшкөн. Ошондой эле ал Нарын дарыясына түшүп кетиши мүмкүн экендиги айтылган.

Жерине министрликтин Таш-Көмүр шаардык бөлүмүнөн 3 куткаруучу, Ички иштер министрлигинен 30 кызматкер жана жергиликтүү тургундардан 50 адам тартылган. Издөө иштеринен натыйжа болгон эмес жана кеч киргендигине байланыштуу убактылуу токтотулган.

Издөө иштери бүгүн да улантылып жатат.

Автор: Максуда Кудайбердиева