Чукул билдирүү! Өлкө аймагында сел жүрүү коркунучу бар

Өлкөдө сел жүрүү коркунучу бар. Бул тууралуу Өзгөчө кырдаалдар министрлиги эскертип, чукул билдирүү таратты.

"20-22-июнь күндөрү абанын температурасынын жогорулашына жана күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүшү мүмкүн, дарыяларда суунун дэңгээли көтөрүлүшү күтүлөт", - деп айтылат маалыматта.

Министрлик сел коркунучуна байланыштуу жергиликтүү калктын жана мекемелердин, ишканалардын, уюмдардын (менчигинин түрүнө карабастан) күч-каражаттарын тартуу менен арыктарды, суу өткөрүү түтүктөрүн жана ошондой эле дренаждык түйүндөрдү тазалоо иш-чараларын жүргүзүү зарылдыгын айтты.

Автор: Максуда Кудайбердиева