Вице-мэр Нурдан Орунтаев аны Садыр Жапаровдун өкүл баласы деген сөздөргө жооп берди

Бишкек шаарынын мэринин орун басары Нурдан Орунтаев аны "президент Садыр Жапаровдун өкүл баласы" деген айың кептерге жооп берди. Бул тууралуу вице-мэр SUPER.KG порталынын #ГалстукТар долбоорунда айтып берди.

"Садыр Нургожоевич менен эч кандай тууганчылыгым жок. Эч кандай өкүл баласы эмесмин. Менин өкүл атам жөнөкөй эле карапайым киши. Бул жөн эле сөз", - деди Орунтаев.

Ошондой эле ал мамлекет башчысы менен вице-мэр болгондон кийин гана жыйындарда жүз көрүшкөнүн кошумчалады.

Маекти толугу менен SUPER.KG порталынын Ютуб каналынан көрө аласыз.