Абитуриенттерди ЖОЖдорго кабыл алуу сынактары 17-июлда башталат

2023-2024-окуу жылына Жалпы республикалык тестирлөөнүн жыйынтыгы боюнча жогорку окуу жайларга абитуриенттерди тандоо жана кабыл алуу 17-июлда башталат. Бул тууралуу Билим берүү жана илим министрлиги маалымдады.

Абитуриенттер сынакка катышуу үчүн өтүнмөлөрдү жана документтерди “Абитуриент онлайн” электрондук автоматташтырылган маалыматтык системасы (https://2020.edu.gov.kg/vuz) акылуу тапшырышат.

Жогорку окуу жайларга кабыл алуу төрт этапта жүргүзүлөт.

ЖРТ электрондук талону менен өтүнмө берүү:

I тур – 17-июль саат 8:00дөн 19-июль саат 14:00гө чейин;

II тур – 24-июль саат 8:00дөн 26-июль саат 14:00гө чейин;

III тур – 31-июль саат 8:00дөн 2-август саат 14:00гө чейин;

IV тур – 7-август саат 8:00дөн 9-август саат 14:00гө чейин.

Белгилей кетсек, бул жылы Жалпы республикалык тестирлөөгө өлкө боюнча 47 миңден ашык бүтүрүүчү катышкан.

Автор: Жанбулат Жумабеков
Фото: Интернеттен алынды