Бишкектин борборунда митинг өткөрүүгө коюлган чектөөнүн мөөнөтү үч айга узартылды

Бишкектин борборундагы айрым жерлерде митинг өткөрүүгө салынган тыюунун мөөнөтү 1-октябрга чейин узартылды. Бул тууралуу бүгүн, 3-июлда Биринчи Май райондук сотунун басма сөз кызматынан кабарлады.

Мурдагы тыюу 1-июлга чейин киргизилген болчу. Анын мөөнөтү бүткөнүнө байланыштуу узартуу чечими кабыл алынган.

Нааразычылык акциясын уюштурууга болбой турган жерлер:

"Ала-Тоо" аянты;

Президенттик администрациянын жана Жогорку Кеңештин имараттарынын жанында;

Жогорку соттун алдында;

УКМКнын имаратынын жанында.

Эркиндик проспектиси - темир жолдон Чүй проспектисине чейин;

Панфилов паркында;

Таттыбүбү Турсунбаева атындагы скверде;

Орусиянын Кыргызстандагы элчилигинин алдында;

Белгилей кетсек, ар кандай акцияларды бир гана Горький паркында өткөрүүгө уруксат берилген.

Автор: Бек Оморбеков
Фото: Бек Оморбеков