Кыргызстанда эң мыкты салык төлөөчү 15 компания аныкталды

Мамлекеттик салык кызматы Кыргызстандагы эң мыкты салык төлөөчү 15 компанияны аныктады. Бул тууралуу аталган мекеменин расмий сайтына жарыяланды.

Маалыматка ылайык, кечээ, 3-июлда Кыргызстандагы салык кызматкерлеринин күнүнө карата өлкөдөгү салык кызматтарын так аткарган компаниялар аныкталып, атайын сертификаттар жана төш белгилер менен сыйланды.

Анда акыркы 5 ай ичинде мамлекеттин экономикасына кошкон салымы, өлкө казынасын толтурууга активдүү катышкандыгы жана КРнын салык боюнча мыйзамдарын так аткаргандыгы сыяктуу критерийлер каралып, жыйынтыгында 15 компания мыкты деп табылган. Алар:

Өндүрүш жана курулуш тармагындагы компаниялар:

"АДЖИ-СЕРВИС" ЖЧК
"Торгово-финансовый Холдинг Пром Инвест" ЖЧК
"Аслан Кабель" ЖЧК
"Карибе Юг" ЖЧК
"Кул Брос" ЖЧК
"Жаныбек Айтматов" ЖЧК

Соода-сатык жана кызмат көрсөтүү тармагында:

"РСК Банкы"
"Яндекс Такси Корп" ЖЧК
"Кыргызстан-Швейцария Банкы";
"Фуд Дрим" компаниясы
"Бир айыл - бир продукт" коомдук бирикмеси
Жеке ишкер Ракия Асанбаева
"Баткен билим берүү борбору" мекемеси
Ош муниципалдык "Жылуулук камсыздоо" ишканасы

Айыл-чарба тармагында:

"Агро Куш" фабрикасы

Сертификаттарды тапшыруу иш-чарасында Мамлекеттик салык кызматынын төрагасы Алтынбек Абдувапов аталган компаниялардын кожоюндарына ыраазычылыгын билдирип, Салык кызматы аларга дайыма урматтоо менен мамиле кыларын белгиледи.

Автор: Жанбулат Жумабеков