Жыл башынан бери 60тан ашык бала сууга чөгүп каза тапкандыгы айтылды

Быйылкы жылдын алты айында 60тан ашык жашы жете элек бала сууга чөгүп каза болду. Бул тууралуу Ички иштер министрлигинен маалымдады.

Маалыматка ылайык, жайкы эс алуунун башталышы менен балдардын коопсуздугун камсыз кылуу өзгөчө актуалдуу маселелердин бири. Укук бузуулардын алдын алуу боюнча негизги тапшырма өспүрүмдөр менен иштөө инспекциясына берилген.

"Жай мезгилинде коомдук тартипти сактоо максатында укук коргоо органдары тарабынан көлмөлөрдө, адамдар көп жүргөн жерлерде патрулдук иш-чаралар жүргүзүлүүдө", - деп жазылат маалыматта.

Ошондой эле милиция коопсуздук чараларын күчөткөнү кошумчаланды.