Жалал-Абадда 5 тоннадан ашык кара куурай жок кылынды (сүрөт)

Жалал-Абад облусунун айыл аймактарында 5 тоннадан ашык кара куурай жок кылынды. Бул тууралуу бүгүн, 6-июлда Жалал-Абад облустук ички иштер башкармалыгынан билдиришти.

Билдирүүдө айтылгандай, Барпы айыл өкмөтүнүн талаа жерлеринде өскөн жапайы кара куурайлар орулуп, жалпысынан 4 гектар жерден 4 тоннага жакын кара куурай өрттөлүп жок кылынды.

Ал эми Сузак айыл аймагынан 1 тоннадан ашуун жапайы куурай өрттөлгөн.

Мындан сырткары жергиликтүү тургундар арасында баңгизатты мыйзамсыз жүгүртүүгө каршы күрөшүү боюнча түшүндүрүү иштери жүргүзүлгөндүгү кошумчаланды.

Автор: Айпери Бакталбек кызы
Фото: Жалал-Абад ОИИБ