Чүйдө сууга чөгүп кеткен эки адам изделүүдө (сүрөт)

Чүй районунда сууга чөгүп кеткен эки адамды издөө иштери уланууда. Бул тууралуу бүгүн, 7-июлда Өзгөчө кырдаалдар министрлигинен билдиришти.

Маалыматка ылайык, 5-июлда Чүй районунун Жаңы-Турмуш айылында Чоң Чүй каналына 20 жаштагы жаран түшүп кеткен. Буга чейинки издөө иштери жыйынтык бере элек.

"6-июлда Чүй районунун Садовое айылынын 66 жаштагы М.Т. аттуу тургуну Чоң Чүй каналына чөгүп кеткен. Издөө иштери кеч кирип кеткендигине байланыштуу убактылуу токтотулган", - деп билдиришти мекемеден.

Учурда 19 куткаруучу тартылып, учурда издөө иштери жүрүп жатат.

Автор: Гүлкайыр Абдиманнап кызы