Орусиядагы министрликтердин биринде iPhone колдонууга тыюу салынды

Орусиядагы "Ростех" корпорациясы өзүнүн бардык кызматкерлерине, мамлекеттик корпорацияга кирген уюмдарга iPhone уюлдук телефонун расмий максатта колдонууга тыюу салында. Бул тууралуу бүгүн, 13-июлда чет элдик басылмалар жазып чыгышты.

“Чындыгында эле корпорациянын бардык уюмдарында жумушта америкалык өндүрүштөгү жабдууларды колдонууга толук тыюу салуу киргизилип жатат”, - деп билдирди аталган ишкананын маалымат кызматы.

Белгилей кетсек, кечээ, 12-июлда тиешелүү тыюу Орусиянын Өнөр жай жана соода министрлигинде белгилүү болду. Министрдин биринчи орун басары Василий Осмаков билдиргендей, министрликтин кызматкерлери 17-июлдан тарта Apple аппараттарынан жумушчу кат алышууларды жүргүзө алышпайт.

Автор: Гүлкайыр Абдиманнап кызы