Бүгүн ЖОЖдорго студенттерди кабыл алуу башталды

Бүгүн, 17-июлда 2023-2024-окуу жылына Жалпы республикалык тестирлөөнүн жыйынтыгы боюнча жогорку окуу жайларга абитуриенттерди тандоо жана кабыл алуу башталды.

Билим берүү жана илим министрлигинен билдиргендей, жогорку окуу жайларга кабыл алуу төрт этапта жүргүзүлөт.

Абитуриенттер сынакка катышуу үчүн өтүнмөлөрдү жана документтерди “Абитуриент онлайн” электрондук автоматташтырылган маалыматтык системасы (https://2020.edu.gov.kg/vuz) акылуу тапшырышат.

ЖРТ электрондук талону менен өтүнмө берүү:

I тур – 17-июль саат 8:00дөн 19-июль саат 14:00гө чейин;

II тур – 24-июль саат 8:00дөн 26-июль саат 14:00гө чейин;

III тур – 31-июль саат 8:00дөн 2-август саат 14:00гө чейин;

IV тур – 7-август саат 8:00дөн 9-август саат 14:00гө чейин.

Автор: Айпери Бакталбек кызы
Фото: Интернеттен алынды