Крым көпүрөсүндөгү жардыруу: Владимир Путин Украина боюнча билдирүү жасады

Орусиянын президенти Владимир Путин Крым көпүрөсүндөгү жардырууга Орусия жооп берерин, Коргоо министрлиги тиешелүү сунуштарды даярдап жатканын билдирди.

"Албетте, Орусия тараптан жооп болот. Коргоо министрлиги тиешелүү сунуштарды даярдап жатат", - деди ал Крым көпүрөсүндөгү кырдаал боюнча уюштурулган жыйында.

Ал ошондой эле бул жардыруунун теракт катары бааларын, көпүрөдөгү коопсуздук чараларын жакшыртуу боюнча сунуштарды күтүп жатканын билдирди.

Крым көпүрөсүнө кечээ, 17-июлга караган түнү эки дрон чабуул жасаган. Чабуулдун натыйжасында көпүрөнүн жол тилкеси бузулуп, жубайлар каза болуп, кызы жаракат алган. Көпүрөдө унаа кыймылы үзгүлтүккө учурады.

Автор: Азат Бейшенбеков