Садыр Жапаров Сауд Арабияга учуп кетти. Делегациянын курамында кимдер бар?

Бүгүн, 18-июлда президент Садыр Жапаров Сауд Арабиянын Падышасы Салман бин Абдулазиз Аль Сауддун чакыруусу менен “Борбор Азия - Булуңдагы араб мамлекеттеринин кызматташтык Кеңеши” аттуу мамлекет башчыларынын биринчи Саммитине катышуу үчүн Жидда шаарына жумушчу сапар менен учуп кетти. Бул тууралуу президенттин басма сөз кызматы билдирди.

Маалым болгондой, 18-20-июлдагы жумушчу сапардын алкагында Садыр Жапаров Булуңдагы араб мамлекеттеринин башчылары менен эки тараптуу жолугушууларды өткөрөт.

Кыргызстандын расмий делегациясынын курамындагылар:

Жээнбек Кулубаев - тышкы иштер министри;

Улукбек Марипов - Кыргыз Республикасынын Сауд Араб Падышалыгындагы Атайын жана Ыйгарым Укуктуу Элчиси;

Данияр Амангельдиев - экономика жана коммерция министри;

Тойгонбай Абдыкаров - Дин иштер боюнча мамлекеттик комиссиясынын директору;

Каныбек Туманбаев – президенттин иш башкаруучусу;

Талгат Аширбеков – президенттин администрациясынын тышкы саясат бөлүмүнүн башчысынын орун басары.

Автор: Ширин Марат кызы