Аномалдуу ысык Европадан Түркиянын түштүгүнө тарап жатат

Сахара чөлүндөгү “термалдык жарылуу” себепкер болгон ысык толкундар Европадан Түркиянын түштүгүнө чейин жайылууда. Бул тууралуу Орусиянын Гидрометеорологиялык борборунун илимий жетекчиси Роман Вилфанд билдирди.

Эксперт 22-23-июлда Түркияда 45 градуска чейин ысык болорун, ал эми Жер Ортолук деңизинде суу 26 градуска чейин жылый турганын белгиледи. Ошол эле учурда өлкөнүн түндүгүндө – Стамбул менен Анкарада абанын температурасы 35 градуска жакын болот.

Синоптиктин айтымында, Батыш Европанын борборунда аба ырайы жагымдуу болуп баратат. Ошентип, Германия менен Францияда жакынкы күндөрү 25 градуска жакын нөлдөн жогору болот. Бирок Испанияда ысык сакталып турат - 35-40 градус.

Буга чейин Вилфанд Африканын Сахара чөлүнөн келген ысык Орусияга жетпей турганын айткан.

"Биздин өлкөдө, тескерисинче, жума ичинде Орусиянын түштүгүндө температура нормадан бир-үч градуска чейин төмөн болот. Температуралык фон нормада болот, болжол менен 30 градус болот", - деди ал.

Белгилей кетсек, глобалдык жылуулук теориясынын автору, климат таануучу Жеймс Хансен планетанын рекорддук ысып кетишин алдын ала айткан. Индустриализация доору башталгандан бери глобалдык температура болжол менен 1,2 градуска көтөрүлдү, бул жайкысын 20 пайызга өтө ысык болушу мүмкүндүгүн айтты.

Автор: Гүлкайыр Абдиманнап кызы