Чүйдө төрөлгөн 3 эмге ысым ыйгарылды

Чүйдө төрөлгөн 3 эм ымыркайларга ысым ыйгарылды. Бул тууралуу бүгүн, 4-августта президенттин Чүй облусундагы өкүлчүлүгүнөн билдиришти.

Маалым болгондой, кечээ, 3-августта президенттин Чүй облусундагы ыйгарым укуктуу өкүлчүлүгү Сокулук районунун Военно-Антоновка айылынын тургуну, үч эмдин энеси Эркин кызы Насипканга барышкан. 33 жаштагы Эркин кызы 2023-жылдын июнь айында Муслим, Мухлиса жана Мухаммад аттуу наристелерди жарыкка алып келген.

Ошондой эле өкүлчүлүктүн маалыматына караганда, үч эмдин энесине кеңеш берилип, үй-бүлөсүнө берилүүчү мамлекеттик кепилдиктер жана жөлөк пулдар боюнча түшүндүрүү иштери жүргүзүлдү.